گوپی چند نارنگ نے ساختیات اور پس ساختیات کی جو ترجمانی کی ہے اس کی رو سے "زبان میں صرف فرق ہی فرق ہے بغیر اثبات کے"۔ سوسیئر کا اصل قول یہ ہے: In language, there are only differences without positive terms. اس اصول کی جزوی صداقت سے انکار نہیں کیا جا سکتا، لیکن یہ زبان کے نظام کا صرف ایک رخ ہے۔ اس کے بالمقابل ایک دوسرا رخ بھی ہے جس کی تحقیق میں نے خود کی ہے، اور اسے میں یوں بیان کرتا ہوں: یہ نکتہ اپنی تاکید کے ساتھ درست نہیں کہ زبان کی آوازوں میں صرف فرق ہی فرق ہے۔ اشیا یا تصوراتِ اشیا کا اختلاف اس بات کی دلیل نہیں کہ ان میں کوئی مشابہت سرے سے موجود ہی نہیں۔ حقیقت یہ ہے کہ حروفِ تہجی کی آوازوں کی سطح پر حروف تہجی میں بھی اور ان سے مل کر بننے والے الفاظ میں بھی باہمی مشابہتیں پائی جاتی ہیں، اور دراصل اسی مشابہت کی بنیاد پر ان کے مابین فرق کا احساس ممکن ہوتا ہے۔ میرا اصل دعوی یہ ہے کہ زبان کی آوازوں میں تفریقی رشتہ بھی ہے اور اتحادی رشتہ بھی—اور ان میں سے کسی رشتے کو دوسرے پر کوئی تقدّم یا برتری حاصل نہیں۔ نہ یہ کہا جا سکتا ہے کہ کون سا رشتہ پہلے ہے اور کو...
طارق صدیقی: کوانٹم لیول سے مراد نہایت خفیف اور نہایت خرد سطح پر انسانی سیل کا کام کرنا ہے، اور انسانی سیل جن ذرات سے بنے ہوتے ہیں وہ ذرات زندہ جسم کا حصہ بنتے ہیں بذریعہ غذا تو خور دترین سطح پر ہی زندہ اور غیر زندہ کا فرق موجود ہوتا ہے۔ وہ آئرن جو زندہ جسم سے باہر ہو، اور وہ آئرن جو زندہ جسم کے اندر ہو، اس میں بڑا فرق ہوگا اور خوردترین سطح پر ہوگا۔ یہ تو عام استدلال سے معلوم ہو جاتا ہے۔ البتہ کوانٹم لیول پر اس کی تصدیق کے لیے آلات درکار ہوں گے جو ممکن ہے ابھی تجربات کے دائرے میں نہ لائے جا سکے ہوں۔ چیٹ جی پی ٹی: آپ نے اپنی بات کی وضاحت کر دی، اور اس وضاحت کے بعد میں دو حصوں میں جواب دوں گا۔ پہلی بات یہ کہ اگر آپ “کوانٹم لیول” سے مراد انتہائی خرد یا نہایت باریک حیاتیاتی سطح (ultra-microscopic level) لے رہے ہیں، نہ کہ ضروری طور پر Quantum mechanics کے تکنیکی معنی، تو یہ اصطلاح کچھ مبہم ہو جاتی ہے۔ سائنسی زبان میں بہتر ہوگا کہ اسے نینو اسکیل (nanoscale) ، مالیکیولی سطح یا سب سیلولر سطح کہا جائے۔ اس سے آپ کا مفہوم زیادہ واضح ہوگا۔ دوسری بات، آپ نے جو مثال آئرن کی د...